لكل هدف جيبة.
مصاريفي بيقسّم مصاريك حسب الهدف: إيجار، مولّد، أكل، توفير. بتسجّل بالدولار وبالليرة، وبتعرف دايماً شو صرفت وشو بقيلك. كل شي بيبقى على تلفونك.
بدون حساب، بدون إنترنت، بدون ربط مع البنك.
دولار وليرة، بصورة وحدة.
بتدفع بالدولار وبتقبض الباقي بالليرة؟ سجّل كل مصروف بعملته، ومصاريفي بيجمعلك الصورة كاملة على سعر الصرف اللي بتحدّده إنت.
مثال على سعر ٨٩٬٥٠٠ ل.ل للدولار. إنت بتحدّد السعر وبتغيّره ساعة ما بدّك.
محاسبة شخصية، بلا تعقيد.
مبني على نفس منطق المحاسبة اللي بتستعملها الشركات، بس على قياس مصروفك اليومي.
قسّم مصاريك حسب الهدف
حط لكل هدف جيبته وشوف قدّيش باقي فيها. نقل المصاري بين الجيب ما بينحسب لا مدخول ولا مصروف.
اعرف وين راحت مصاريك
ملخّص واضح لكل شهر: شو دخل، شو طلع، وشو بقيلك توفّر.
جهّز لتبديل أغراضك
اشتريت تلفون أو لابتوب؟ مصاريفي بيحسبلك قدّيش لازم تحط على جنب كل شهر لتبدّله لما يخلص عمره.
عربي وإنكليزي
التطبيق كامل باللغتين، مع دعم كامل للكتابة من اليمين لليسار.
مصاريك إلك، ومعلوماتك كمان.
مصاريفي بيشتغل كلّه على تلفونك. ما في سيرفر يوصل لمعلوماتك.
- بدون إنترنتالتطبيق بيشتغل كامل أوفلاين.
- بدون حسابلا إيميل، لا رقم، لا تسجيل.
- بدون ربط بنكما منقرا رسائلك ولا حساباتك.
- نسخة احتياطية مشفّرةبتحفظها وين بدّك، ومحميّة بكلمة سر.
أسئلة بتتكرر
إذا ضاع تلفوني، بتروح معلوماتي؟
إذا عامل نسخة احتياطية، بترجّعها على أي تلفون تاني. النسخة مشفّرة وما حدا بيقدر يفتحها بلا كلمة السر تبعك.
هل التطبيق مجاني؟
رح نعلن التفاصيل مع الإطلاق على Google Play.
في نسخة للآيفون؟
هلّق مصاريفي بس لأندرويد.
كيف بيعرف سعر صرف الدولار؟
إنت بتحدّده. التطبيق ما بيتصل بالإنترنت ليجيب السعر، فبتحطّ السعر اللي عم تتعامل فيه فعلياً.